Страшна несреќа во Косово: Камион влета меѓу пешаци- има мртви (видео)

Во Косовскиот град Гнилане камион влета со многу голема брзина во пешаци, при тоа што повреди 20 лица, а едно лице е го загуби животот .

Како што пишуваат приштинските медиуми засега 20 лица се повредени, а едно лице е загинато според неофицијални извори од Косово.

Во тешката несреќа учествувале 10 возила, а најверојатно несреќата ја предизвикал камионот, при тоа што удрил во автомобили и пешаци. Портпаролот на косовската полиција Исмет Хасани, на прес конференцијата изјави, дека технички проблеми биле причината за несреќата.

„Можам да потврдам дека едно лице почина како последица од несреќата, а 20 се повредени“, изјави портпаролот на косовската полиција во Гнилане, Исмет Хасани.

Во 69 сообраќајни несреќи во Косово, животот го загубиле 90 лица од почетокот на 2018 година, до крајот на месец септември.

Во истиот период се регистрирани вкупно 11.776 сообраќајни несреќи, а полицијата изрекла 305.863 казни.

Претставникот на полицијата Самедин Мехмети, изјави дека Косово се наоѓа на второ место во регионот по Хрватска, по бројот на несреќи, со 7,8 на 100.000 жители.

Гнилане каде што се случи несреќата, е град и општина во Источно Косово, и административен центар на областа. Познат е по тоа што овде е забележана најниската температура во Косово.

Во март 2011 година, општината Гнилане има 90.015 жители, од кои околу 54.239 живеат во градот.

Најголемиот дел од населението се Албанци, проследено со Срби, и мал број на малцинствата.