СДСМ: Хаос има само во ВМРО-ДПМНЕ, полицијата работи професионално, граѓаните се безбедни
ВМРО-ДПМНЕ е во хаос, целосно загубена во сопствените деструкции и лажните вести, велат од СДСМ во реакција по прес конференција на Орце Ѓорѓиевски од ВМРО-ДПМНЕ
„Коалиција со криминалот, неказнивоста и селективноста во постапувањето беа одлика на криминалното владеење на ВМРО-ДПМНЕ и тоа заврши со нивното заминување во опозиција.
МВРО-ВМРО е минато, нема повеќе злоупотреба на полицијата во лични или партиски цели.
По преземените реформи, полицијата работи професионално, ефикасно и во обезбедување на мирот и безбедноста. Се постпаува по секое прекршување на законите и против сите кои постапуваат незаконски се поднесуваат кривични пријави до надлежните обвинителства.
Конфузното ВМРО-ДПМНЕ залудно се обидува да внесе вознемиреност во јавноста, граѓаните се безбедни и сигурни. А тоа е потврдено и со анкетата на ОБСЕ кадешто 75 отсто од граѓаните се изјасниле дека се чувствуваат безбедно.“стои во реакцијата од СДСМ.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа