Мета се прошета низ Старата скопска чаршија

Албанскиот претседател Илир Мета денеска престојува во посета на Македонија, по повод Денот на албанската азбука.

Заедно со претседателот на македонското Собрание Талат Џафери, вицепремиерот за европски прашања Бујар Османи и лидерот на ДУИ Али Ахмети прошета низ Старата скопска чаршија и со своите домаќини се задржа пред мозаикот на плоштадот Скендербег, пренесе Нова Македонија.

Претседателот Мета, заедно со неговата делегација, претходно се сретна со премиерот Зоран Заев, при што изразил благодарност за поддршката на највисоко државно ниво што Република Македонија ја посветува на празникот Ден на албанската азбука, како настан од исклучително значење во историјата на Албанците.