Страшна сообраќајка во Скопје: Изгубил контрола и удрил во бетонски ѕид од куќа

Во Секторот за внатрешни Скопје вчера во 11:30 часот било пријавено дека во село Арачиново, скопско на улица „1“ патничко моторно возило „Форд Ка“ со тетовски регистерски ознаки управувано од 20-годишниот Н.С. од село Арачиново, скопско изгубил контрола над возилото и удрил во бетонски ѕид од куќа.

Во незгодата сопатникот од возилото на возраст од 16 години од село Танушевци, скопско се здобил со тешки телесни повреди и со друго возило бил пренесен во комплекс клиники “Мајка Тереза“ за укажување на лекарска помош, додека возачот се здобил со телесни повреди. Извршен е увид на местото на настанот.