СДСМ: Мицкоски избегнува да го каже својот и ставот на партијата за референдумот
На неколку недели до најважниот датум во поновата македонска историја, мнозинството граѓани и сите прогресивни сили се обединија околу македонската иднина во ЕУ и НАТО, само Христијан Мицкоски се крие зад однапред снимени обраќања и избегнува да го каже својот и ставот на неговата партија за референдумот, се вели во денешното соопштение на СДСМ..
„Дали Мицкоски и ВМРО-ДПМНЕ сакаат назад во изолација и неизвесност во кои со години ја држеа Македонја па затоа одбиваат да соопштат јасен став?“, запрашуваат од СДСМ и додаваат:
„Граѓаните знаат дека придбивките и вредностите на ЕУ и НАТО се суштинска спротивност на криминалните и антидржавни практики што ги нуди ВМРО-ДПМНЕ.
На референдумот на 30-ти септември, граѓаните ќе изберат интеграција наместо изолација, иднина наместо небиднина, ќе изберат членство во НАТО и ЕУ со зачуван македонски идентитет, заштитен и загарантиран еднаш за секогаш!“, пишуваат од партијата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа