Се сруши потполно потпорниот ѕид на Коридорот 10 кај „Предејане“

Потпорниот ѕид кој вчера делумно се сруши на Коридорот 10 пред тунелот „Предејане“, денеска целосно се урна, пренесува N1.

Вчера изутрина околу девет часот свлечиштето целосно уништи околу 500 метри квадратни бетонска галерија над местото каде што се гради новиот коловоз на автопатот, а денес при уривањето за среќа немало работници.

Надлежните тврдат дека изведувач на работите на овој дел од автопатот е шпанската компанија „Азви“, а стручниот надзор го врши конзорциумот „Louis Berger i Egnatia Odos“.