Заев: Лазе е наш но одговорност мора да има

Министерот за внатрешни работи Оливер Спасовски се врати од годишен одмор и присуствуваше на панел-дискусијата што се организираше по повод годишнината од Охридскиот рамковен договор. Тој, сепак, не даде изјава за неговиот предлог за разрешување на директорот на Бирото за јавна безбедност, Лазе Велковски, пишува Независен.

Од друга страна Заев излезе со јавен став за предлогот за разрешување. Тој тврди дека зад барањето за разрешување не се кријат никакви внатрепартиски пресметки и порача дека Велковски е припадник на владејачката партија СДСМ, човек професионалец, но направил грешка и за тоа мора да понесе одговорност. 

- „Велковски е припадник на СДСМ и верува во политиките на Социјалдемократскиот сојуз и секогаш важел за сплотувачки фактор во партијата. СДСМ е единствен и е сплотен, посебно пред важни моменти и апсолутно овде се работи само за чин на понесување на одговорност. Се работи за понесување на одговорност, она што го очекуваат граѓаните од политичарите, од носителите на јавните функции“, рече Заев.

За напладне е закажана седницата.