Вистинско „чудовиште„: Научниците никогаш не виделе повисок бран од овој
Научници од Нов Зеланд забележаа бран од 23,8 метри, за кој се верува дека е најголемиот бран регистриран на јужната хемисфера.
– Ова е навистина возбудлив настан и според нашите сознанија ова е најголемиот бран воопшто забележан во јужната хемисфера, истакна Том Дурант, океанограф од метеролошката служба на Нов Зеланд.
Метеролошката служба соопшти дека бранот со височина на осумкатна зграда бил измерен во близина на островот Кемпбел во јужниот Пацифик.
Со оваа височина тој го надминува бранот од 22,03 метри измерен во 2012 година јужно од австралиската држава Тасманија.
Дурант наведе дека бранот е предизвикан од нискиот притисок и ветровите со брзина од 120,38 километри на час.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
