Искршени автомобилите на Шилегов и неговата сопруга

Непознат сторител ги оштетил автомобилите на скопскиот градоначалник Петре Шилегов и на неговата сопруга, кои биле паркирани пред зграда на улицата Хелсинки, објави Макфакс.

Според информацијата на МВР, вчера во 23.10 часот Ш.Ј. (49) пријавила дека во периодот од 17 до 22 часот во средата, на улицата Хелсинки, поточно на паркингот пред зградата, од страна на непознат сторител биле оштетени нејзиниот автомобил „ауди К-5“ и автомобилот на нејзиниот сопруг „ауди А5“.

На возилото на сопругата на Шилегов му биле искршени предното лево крило, предниот лев фар, предната и задната лева врата и задното крило, а кај возилото на градоначалникот оштетени биле предното лево крило, предната лева врата, задниот лев штоп и багажникот. Сторителот, како што велат од МВР, ги искршил автомобилите со физичка сила и остар предмет. Со оштетувањето причинета е материјална штета, која дополнително ќе биде утврдена. Полицијата трага по сторителот.

 

 

 

19.04.2018 - 15:47

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега