Локализиран пожарот - какви документи изгореа во Правда

Локализиран е пожарот што попладнево избувна на четвртиот кат во Министерството за правда.

Екипите на противпожарната бригада со 10 возила и 25 пожарникари сè уште се на терен.

Пожарот избувна во 16.45 часот и ја зафати архивата на Министерството. Опожарени беа канцелариите во кои имало сметководствени документи, како и документи за меѓународна правна и бесплатна правна помош.

Заменик-министерот за правда, Оливер Ристовски, изјави дека во 16.30 часот се вклучил алармот и сите во зградата биле евакуирани.