За една недела Владата повторно ќе расправа за казандол
Потребно е докомплетирање на документацијата за еднострано раскинување на договорот со концесионерот на „Казандол“ и за седум дена, на следната владина седница, повторно ќе се разговара за овој рудник.
Владиниот портпарол Миле Бошњаковски денеска изјави дека на вчерашната владина седница е донесен заклучок оти е неоходно докомплетирање на документацијата.
- Се работи за специфичен процес. Мораме да имаме издржано и целосно максимално правна аргументација за еднострано раскинување на договорот. Потребно е докомплетирање со уште два документа кои во моментов не би можеле да ви кажеме кои се. Меѓутоа тоа ќе се случи во наредните седум дена и на следната владина седница повторно ќе разговараме за Казандол, истакна Бошњаковски, одговарајќи на новинарско прашање.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа