Владата вработува - еве колкава е платата

Владата распиша оглас за привремено вработување на три лица, поради привремено зголемен обем на работа. Нивното вработување ќе трае додека трае потребата на институцијата, a најдолго една година.

Се бара еден помлад соработник кој ќе работи во делот на осигурување на целиот имот, пријавувањето и наплата на штети во Сектор за поддршка на директорот и за извршување нормативно-правни, стручно-административни и архивски работи, печатење, возен парк и ИТ, одделение за извршување нормативно-правни, стручно-административни и архивски работи.
За ова работно место е предвидена плата од 20.970денари.

Второто работно место е самостоен референт – архивар кој ќе работи во Сектор за поддршка на директорот и за извршување нормативн-оправни, стручно-административни и архивски работи, печатење, возен парк и ИТ, Одделение за извршување нормативноправни, стручно-административни и архивски работи.

Основната плата за ова работно место е 15.671 денари.

Се бара и самостоен референт -организатор за одржување на машински инсталации за во сектор за инвестициони вложувања, тековно одржување на објектите и следење на комуналните трошоци, одделение за тековно одржување на објектите на државната управа и следење на комуналните трошоци. Предвидена е плата од 15.671 денари.