Регулаторна одлучи: Ова се новите цени на горивата кои важат од полноќ
Малопродажните цени на бензините, дизелот и екстра лесното масло за домаќинствата од полноќ се намалија од половина до еден денар. Ова го одлучи Регулаторната комисија за енергетика вчера.
Според Одлуката, новата цена на Еуросупер БС-95 изнесува 66 денари за литар, на Еуродизелот изнесува 52,5 денари и на Екстра лесното 41 денар. Кај овие горива намалувањето од актуелните цени е еден денар, додека цената на Еуросупер БС-98 се намалува за половина денар и изнесува 68,5 денари за литар.
Просечната цена на суровата нафта на светскиот пазар изнесуваше 54,2 долари за барел, а курсот на денарот во однос на доларот изнесуваше 57,93 денари за долар.
Наредната корекција е закажана за 6 Февруари.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
