Три идентични близначки се омажија во исти ден
Рафаела, Рошел и Тагиана Бини се три близначки од јужен Бразил, па како и поголемиот дел од близнаците во светот, и тие делат исти навики, ист вкус и поглед кон светот.
Тие за себе нашле мажи кои личат еден на друг, па решиле и да се омажат во ист ден. На денот на свадбата тие облекле многу слични фустани, иста шминка, а имале и исти фризури, па им направиле мал проблем на нивните идни сопрузи кои едвај препознавале која е која.
Единственото нешто по што се разликувале, биле бидермаерите, па така малку им ја олесниле работата на Рафаел, Габриел и Едуардо.
Рафаел, кој се ожени со Рафаела, вели дека додека биле во врска, понекогаш сестрите намерно ги збунувале своите момчиња. – Особено тоа се случуваше на почетокот на врската. Еднаш правевме вечера, Рафаела беше покрај шпоретот, а Рошел која е на Габриел, покрај мијалникот. Додека зборувавме тие ги смениле местата и јас и пријдов на девојката покрај шпоретот и ја прегрнав – но бргу сфатив дека не е мојата. Но, сега велат дека такво нешто не може да им се случи.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа