На Фејсбук објавувала фотографии од своето бебе- нема да верувате какво писмо добила

Една мајка ги разлути своите пријателки со честите статуси за ќерка си на Facebook.

33- годишната Џејд Рутвен од Австралија била непријатно изненадена кога добила писмо од анонимни пријатели во кое се вели дека им било смачено да ги читаат нејзините коментари и во кое бараат од неа да престане да известува за својата 6-месечна ќерка Едисон. „Прво бев шокирана. Помислив, ова мора да е шега. Го прочитав и препрочитав уште четирипати. Се тресев од лутина поради помислата дека моите таканаречени пријатели можат да бидат толку безмилосни и толку слаби што не го ни потпишаа писмото“ – рекла Џејд за iVillage.

Таа решила да им се одмазди на „пријателите“, па започнала да го шири писмото на интернет. Набрзо, била преплавена до охрабрувачки зборови и позитивни коментари. „Поддршката која ја добив од семејството, пријателите и дури и од лица кои не ги познавам ме изненади“ – додала таа.

Прочитајте го писмото кое го добила Џејд:

Џејд,

заедно со уште неколку од девојките сакаме да ти кажеме дека ни е СМАЧЕНО од твоето непрекинато коментирање за твојот живот и за сè што прави Еди. Види, сите ние имаме деца во кои сме слепо вљубени. Погоди што, секој родител смета дека неговото дете е најдобро. Но, ние не ги гњавиме сите околу себе со тоа!!! Носи нова облека? Па, фотографирај ја и испрати му ја ЛИЧНО на оној кој ѝ ја подарил облеката, не на сите!!! Лази по тепихот? Не нè интересира!!! Има 6 месеца, ГОЛЕМА РАБОТА!!! Застани и размисли, ако секоја мајка ги објавуваше сите тие глупости за своето дете, сигурна сум дека и тебе брзо ќе ти дојдеше преку глава.

Со нетрпение чекаме да се вратиш на работа. Можеби тогаш нема да имаш толку многу време за Facebook.

Еди е прекрасна и сите ние ја сакаме, но и нашите деца се прекрасни.

Претпоставувам дека разлутуваш многу луѓе со твоето фалење „Еди направи вака, Еди направи така“. Сметавме дека ќе намалиш со објавите по првиот месец, но тоа не се случи.

Не се сите заинтересирани како тебе за тоа што прави Еди, па остави нè малку на мира.

Го правиме ова за да ти укажеме што навистина мислат луѓето.

Џејд сè уште не знае кој стои зад писмото, но вели дека сега на него се смее како на лоша шега. Таа е среќна што писмото не успеало да ја посрамоти и изолира, напротив, тоа придонело да се чувствува уште посакана.

Извор: Среќа.мк