МЗТ Скопје повторно на врвот
Актуелниот кошаркарски шампион МЗТ Скопје Аеродром го победи Кожув со 72:60 во дерби натпреварот и последен дуел од 16. коло во Првата македонска лига.
Домашните кошарки клучната разлика ја направија во третата четвртина која ја решија во своја корист со 20:7.
По оваа победа аеродромци се сами на врвот на табелата со 25 бодови, еден повеќе од Работнички. Кожув има 21 бод и е на шестото место.
Најефикасни во вечерашната победа на МЗТ беа капитенот Урош Лучиќ со 21 поен и Сеад Шеховиќ со 13, кај гостинот од Гевгелија се истакна Слободан Дунџерски со 18 реализации.
Следен противник на МЗТ е тимот на Карпош Соколи, додека Кожув ќе се сретне со Струмица.
Оцени ја веста
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа