ВИДЕО: Облакодер од 57 ката изграден за 19 дена

Една кинеска компанија изградила солитер од 57 ката за помалку од три седмици.

Работници на една кинеска компанија секој ден граделе по 3 ката, а за 19 дена целиот солитер го ставиле „под покрив“.

Солитерот има 800 стана и деловен простор во кој може да седат околу 4.000 лица. Првично било планирано тој да има 220 ката, но одлуката е сменета бидејќи во близина се наоѓа аеродром. Инвеститорот вели дека поединечни делови од зградата се склопувани на друга локација, а потоа донесени и прицврстени за веќе постоечката конструкција.