Квадрадо се договори со Челзи

Фудбалерот на Фиорентина и репрезентацијата на Колумбија, Хуан Квадрадо ги догоровил личните услови со Челзи.

Како што објави „Скај Спорт Италија“ желбата на Колумбиецот е да се пресели на „Стемфорд Бриџ“ и ги прифатил понудените услови, кои се уште не се познати за фудбалската јавност.

Сепак, Челзи ја заврши полесната работа, а сега останува потешката. Лондонскиот тим ќе треба успешно да ги заврши преговорите со Фиорентина, која не сака лесно да се откаже од услугите на својот најдобар фудбалер.