Ковачевски во одбрана на европското знаменце: „Се работи за стратешки и европски поврзани коридори“

 

Премиерот Димитар Ковачевски смета дека европското знаменце за предлог измените на петте закони за коридорите кои се во собраниска процедура ќе овозможи побрза и поевтина изградба.

„На граѓаните им се потребни коридори, а не дневно политички препукувања“, Димитар Ковачевски одговарајќи на новинарско прашање за европското знаменце.

Објасни дека поради тоа што се работи за стратешки и европски поврзани коридори, Парламентот вчера одлучил овие закони да се разгледуваат на Комисијата за европски прашања.

Претходно денес, амбасадорот на Европската Унија во земјата, Дејвид Гир, рече дека европското знаменце многу често се употребува за усвојување на некои закони, а се знае дека неговата употреба секогаш е наменета за усвојување на закон којшто е директно поврзан со европските практики и европското законодавство.

11.05.2023 - 16:02

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега