Костовски: ВМРО-ДПМНЕ се нервозни секогаш кога на дневен ред е правдата
Пратеникот на СДСМ Мартин Костовски во емисијата „Топ тема“ на Телевизија Телма кажа дека секогаш постоела нервоза кај ВМРО-ДПМНЕ кога се зборувало за правда.
„Секогаш кога станува збор за правда и владеењето на правото, тогаш гледаме нервоза кај ВМРО-ДПМНЕ како во Собранието, така и надвор од него, тоа го гледаме и сега кога на ред е изборот на уставни судии. Опозицијата со претстави во Комисијата за избори и именувања, со филибастеринг се обидува да ги оспори предлозите на мнозинството за уставни судии. Гледаме бесмислени дискусии од опозицијата, затоа што тие зборуваат за се, освен за предлозите за уставни судии. Уставни судии се бираат по постоечка законска регулатива, каде има определни критериуми и ние не може да работиме поинаку.“ посочи Костовски.
Костовски истакна дека и покрај обиди за блокади и одолговлекувања, уставните судии ќе бидат избрани во Собранието.
„Како одговорни пратеници ние нема да дозволиме уставна криза, како што не дозволивме ни парламентарна криза“ заклучи Костовски.
19.10.2022 - 20:10
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
