Ѓорчев: Новата власт предводена од ВМРО-ДПМНЕ ќе ја врати надежта
Членот на Извршниот комитет, Владимир Ѓорчев со неговиот тим во рамки на акција „Ова е Македонија за сите“ на населените места Петрово, Миравци, Давидово, Милетково, Смоквица и Прдејци каде што од човек на човек, од куќа до куќа остварија средби со жителите.
Ѓорчев посочи дека народот е револтиран од актуелната власт и бара промени, нова власт која ќе ја предводи ВМРО-ДПМНЕ, за да се врати надежта помеѓу македонските граѓани.
„Атмосферата е добра и убеден сум дека на наредните избори атмосферата ќе биде и победничка, затоа што луѓето и народот низ цела Македонија е револтиран од политиките на СДСМ, на Ковачевски, на Стево Пендаровски, на Али Ахмети, на Артан Груби и целата нивна заедничка влада. ВМРО-ДПМНЕ доаѓа, ВМРО-ДПМНЕ ќе победи и во наредните шест недели ќе одиме во повеќе од 200 населени места да ја вратиме надежта во Македонија, да се бориме за Македонија“, истакна Ѓорчев.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
