ДУИ: Америка со силна порака до ВМРО, гласајте за уставни измени
Демократската унија за интеграција оценува дека реакцијата на американскиот Стејт департмент и повикот на специјалниот претставник на САД за Западен Балкан, Габриел Ескобар, до ВМРО и Левица да го поддржат европскиот пат на земјата и да гласаат за уставните измени е јасен сигнал на кој треба да се обрне внимание.
„Ако до вчера нашите повици и барања за конструктивност се сметаа за субјективни и постојано беа игнорирани од страна на опозицијата, потврда за нивната рационалност е директната порака на САД за прекин на блокадата и заложништвото на европската иднина на земјата.
Сметаме дека е дојдено време опозицијата да рефлектира, не само на декларативен аспект, да покаже конструктивност во решавачките моменти кога треба да го забрзаме чекорот кон Европа.
Демократската унија за интеграција е убедена дека кај македонската опозиција има европски дух кој ќе триумфира над конфузијата и субјективниот протагонизам“, велат од ДУИ во писмено соопштение испратено до медиумите.
„Најголемиот непријател на државата е стагнацијата, затоа сите да понесеме одговорност размислувајќи пред се за иднината на нашите деца“, додаваат оттаму.
14.05.2023 - 17:03
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
