УХМР ги измери температурите во 11 часот, во градовите низ Македонија.
Според податоците од УХМР за ова претпладне, во Македонија најтопло е во Гевгелија со 32 степени, по што следи Кавадарци со 31, Демир Капија и Велес со 30 степени.
Во Скопје во 11 часот УХМР измери 29 степени.
Најниска температура во 11 часот на територијата на Македонија е измерена на Попова Шапка, 19 степени.
Од УХМР за денеска најавуваат сончево и топло време со мала до умерена локална облачност. Ќе дува слаб до умерен ветер од северен правец. Попладне ќе има услови за изолирана појава на нестабилност со пороен дожд и грмежи.
Минималната температура ќе биде во интервал од 10 до 21, а максималната ќе достигне од 32 до 39 Целзиусови степени.
Во Скопје, сончево со мала до умерена облачност. Ќе дува слаб до умерен ветер од северен правец. Попладне во делови од котлината ќе има услови за изолирана појава на нестабилност со пороен дожд и грмежи.
Минималната температура ќе се спушти до 18, а максималната ќе достигне до 37 степени.
И во следните денови времето ќе биде сончево и топло со мала до умерена облачност со локална појава на нестабилност со пороен дожд, грмежи и засилен ветер попладне.
Особено топло ќе биде во петок и за време на викендот.