Украинскиот претседател Володимир Зеленски ја обвини Русија за прекршување на прекинот на огнот што Киев го воведе од полноќ. Според него, руската страна го игнорирала договорот уште од самиот почеток, продолжувајќи со активни напади врз украинските градови.
Зеленски истакна дека и покрај вчерашните напади врз Днепар, Запорожје и Краматорск, гранатирањата продолжиле во текот на целиот ден.
„Изборот на Русија е јасен, да го отфрли прекинот на огнот и да спаси животи“, рече Зеленски.
Според податоците што ги презентираше украинскиот лидер, само до 10 часот утрото биле регистрирани 1.820 прекршувања на примирјето. Тој нагласи дека руската армија извршила речиси 30 напади од почетокот на денот, вклучувајќи воздушни бомбардирања со над 70 бомби.
„За секој разумен човек е очигледно дека тотална војна и секојдневни убиства на луѓе не се време за јавни ‘прослави’. Од денес можеме да потврдиме дека руската страна го прекршила режимот на прекин на огнот“, заклучи Зеленски.
Претседателот на Украина најави дека неговата земја ќе возврати на овие дејствија, особено во контекст на повиците од Москва за примирје за време на парадата. Претходно, руското Министерство за одбрана најави сопствено „примирје“ за 8 и 9 мај, но со закана за масовен ракетен напад врз Киев доколку парадата во Москва биде на кој било начин „нарушена“.