Украински беспилотни летала извршија нов напад врз рускиот регион Рјазан, предизвикувајќи голем пожар во рафинерија за нафта, соопштија локалните власти.
Ова е прв ваков напад откако американскиот претседател Доналд Трамп во неделата објави дека Русија и Украина постигнале договор за запирање на нападите врз енергетската инфраструктура, иако ниту една од двете страни официјално не потврди прекин на огнот.
Украинскиот претседател Володимир Зеленски во интервју за „Фајненшл тајмс“ изјави дека Украина три дена ги прекинала нападите врз енергетските објекти за да ги исполни американските барања, но оти тие сега продолжуваат бидејќи Русија продолжува со нападите врз украинската енергетска инфраструктура.
„Материјалната штета во моментов се проценува. Службите за итни случаи работат на местото на настанот“, изјави гувернерот на регионот Рјазан, Павел Малков, во објава на Телеграм, додавајќи дека во нападите е оштетен и магацин на друга локација.
Рафинеријата Рјазан, која е во сопственост на рускиот нафтен гигант „Роснефт“ и обезбедува гориво за Москва, учествува со речиси пет проценти во вкупниот капацитет за рафинирање на нафта во Русија. Поради масовните напади со беспилотни летала, во два округа во четвртокот беа откажани наставата во училиштата и градинките.
Russian refineries in Rostov and Ryazan were hit yesterday and today, while Zelensky tells the FT that Ukraine has not broken the energy truce since Trump announced it! https://t.co/wWKzbM9Sp0
— Anastasia M (@AnastasiaMazh) October 15, 2026