Заев: Вакцините од Фајзер ќе стигнат до крајот на март

Премиерот Зоран Заев денеска по официјалниот почеток на изградба на далекуводот Штип – Овче Поле изјави дека Македонија ќе добие вакцини од компанијата „Фајзер“ до крајот на март.

-Договорот со Фајзер стигна. До крајот на првиот квартал, односно до крајот на март ќе пристигнат 21.000 дози вакцини, кажа премиерот.

Тој пред новинарите истакна дека Владата направила и повеќе од тоа што е доволно за набавка на вакцините.