За четиричлено семејство да го помине месецов потребни му се повеќе од 930 евра
На едно четиричлено семејство да го помине февруари потребни му се 57.467 денари, покажува синдикалната кочница. Споредено со минатиот месец, животот во февруари е поскап за 313 денари.
Најмногу пари на граѓаните им се потребни за прехранување. Според Сојузот на Синдикати, за четири лица да се прехранат во месецот потребни се 21.219 денари или 36,9% од целокупниот буџет.
Сметките за вода, струја и греење, според ССМ, изнесуваат 10,5% од буџетот на семејството или 6.014 денари.
Но доколку семејството нема сопствен дом и изнајмува стан од 60 квадратни метри, нивните трошоци драстично се зголемуваат. Според Синдикалната кошница, за да преживеат потребни им се 72.851 денар.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
