Денес, 21 април, времето во земјата ќе биде променливо облачно со повремени врнежи од дожд, кои на одредени места ќе бидат пообилни. Според информациите од Управата за хидрометеоролошки работи (УХМР), постојат услови за локална нестабилност, проследена со краткотраен пороен дожд, појава на грмежи и засилен ветер од северозападен правец.
Температурните вредности ќе се движат во интервалот од 3 до 9 степени за минималните, додека дневните температури ќе достигнат максимум од 14 до 21 степен.
Во Скопје, во делови од котлината ќе има повремен дожд со слаб до умерен ветер од северозападен правец. Утринската температура во главниот град ќе се спушти до 8 степени, додека максималната дневна ќе достигне 14 степени.
УХМР најавува дека до среда ќе се задржи променливо облачно и нестабилно време со повремени врнежи и грмежи, при што процесите на места ќе бидат поинтензивни.
Во четврток и петок утринската наместа ќе се спушти и под нулата. Ќе дува северен ветер, кој в четврток ќе биде засилен, повремено силен.