Времето денеска ќе биде стабилно и суво, но граѓаните треба да бидат внимателни поради појавата на утринска магла во котлините, соопшти Државниот хидрометеоролошки завод.
Во текот на денот ќе преовладува сончево и тивко време. Единствено во југоисточниот регион ќе биде присутен слаб до умерен северозападен ветер.
Денешните температури покажуваат значителна разлика: минималните ќе се движат од -2 до 5 степени, додека максималните дневни температури ќе достигнат од 9 до 15 степени Целзиусови.
Во Скопје, утринската магла претпладне ќе биде локализирана. Остатокот од денот ќе биде сончев со мала облачност и слаб северен ветер, при што минималната температура ќе биде 1, а максималната ќе достигне 11 степени.
УХМР најавува дека стабилната и релативно топла временска состојба, условена од висок воздушен притисок, ќе се задржи и во наредните денови, со повремена појава на магла во котлините.