Македонија денеска ја очекува променливо облачно време, со повремени локални врнежи од дожд во западните делови од земјата. На повисоките планини се очекуваат врнежи од снег, додека во останатите предели ќе дува умерен, а наместа засилен ветер од јужен правец.
Температурниот опсег ќе се движи од минимални -8 до максимални 12 степени Целзиусови. Во главниот град Скопје времето ќе биде слично, со услови за повремен слаб дожд и температури до 8 степени.
Од Управата за хидрометеоролошки работи најавуваат продолжување на ваквиот тренд.
„Под влијание на циклонска активност, во следните денови времето ќе биде променливо облачно со повремени локални врнежи од дожд. Ќе дува умерен до засилен ветер од јужен правец, а температурата ќе биде во пораст.“