Времето денеска ќе биде претежно облачно, со услови за појава на магла во утринските часови во одделни котлини. Кон крајот на денот и во текот на ноќта, во северозападните делови се очекуваат услови за слаб локален дожд.
Ќе дува умерен до засилен ветер од јужен правец.
Минималните температури ќе се движат во интервал од -1 до 6 степени Целзиусови, додека максималните дневни температури ќе достигнат од 16 до 19 степени.
Во главниот град, Скопје, наутро во делови од котлината ќе има услови за појава на магла. Во текот на денот ќе преовладува претежно облачно време со умерен до засилен јужен ветер. Минималната температура во Скопје ќе се спушти до три, а максималната ќе достигне до 15 степени.
Според информациите од Управата за хидрометеоролошки работи (УХМР), следува период на нестабилно време.
Клучни карактеристики на нестабилноста се појавата на магла во утринските часови и променливо облачно време од утре. Се очекуваат и локални врнежи од дожд, кои на места ќе бидат пообилни и може да достигнат над 30 литри на метар квадратен.
Од УХМР информираат дека ќе дува умерен до засилен ветер од јужен правец, а долж Повардарието од југоисточен правец, со брзина што може да достигне над 60 километри на час.