Временска прогноза: Сончево и потопло, попладне услови за дожд
Времето денеска ќе биде сончево со мала до умерена облачност и значително потопло. Попладне на места ќе биде нестабилно со краткотраен пороен дожд и грмежи, претежно во планинските подрачја. Ќе дува слаб ветер од северен правец. Минималната температура ќе биде во интервал од 1 до 8, а максималната ќе достигне од 17 до 24 степени Целзиусови.
Во Скопје ќе биде сончево со мала до умерена облачност и со слаб ветер од северен правец. Минималната температура ќе се спушти до 5, а максималната ќе достигне 23 степени.
Утре ќе биде сончево со мала до умерена облачност и уште потопло, а во попладневните часови претежно во планинските подрачја ќе има услови за изолирана појава на краткотраен пороен дожд и грмежи. Во петок попладне ќе има зголемување на облачноста и ќе биде нестабилно, на места со пороен дожд, грмежи и засилување на ветерот. Локален дожд ќе има и во сабота.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
