Коалицијата ВЛЕН остро реагира на обидите на Зијадин Села да создаде впечаток за тензична состојба во Струга, оценувајќи дека такви ситуации не постојат и не можат да постојат.
„Обидите да се создаде ситуација во Струга, каде што навистина го нема и не може да има, се разочарувачки и се поврзуваат со коалицијата која со право го носи името на агонизирачкото трио Ахмети, Таравари и Села,“ стои во соопштението на коалицијата Вреди.
Од ВЛЕН нагласуваат дека секој обид да се поврзе коалицијата или кандидатот што го поддржуваат, Менди Ќира, со каков било вид на „вештачка тензија“ е неточен и политички нелогичен.
„Зошто коалицијата или кандидатот кој е фаворит за победа на изборите на 2 ноември би создавале тензии?“ прашуваат од ВЛЕН, додавајќи дека ваквите обвинувања се дел од очајна стратегија на противниците.
„Политичката логика е едноставна – оној што е во очај се обидува да создаде непостоечки ситуации за да се претстави како жртва во очите на гласачите. Тоа е стратегија што оди во прилог на кандидатот на Зијадин Села и Левица, Арсим Далипи,“ додаваат од коалицијата.
Во соопштението понатаму се наведува дека соработката меѓу НАИ и Левица е очигледна, како во Тетово, така и во Струга.
„Затоа, овие обиди за создавање конфузија се залудни и разочарувачки,“ порачуваат од ВЛЕН.