„Вреди“ продолжува со активна работа и реализирање конкретни проекти кои го подобруваат секојдневниот живот на граѓаните. Во рамки на оваа иницијатива, општина Чаир добива уште една значајна инвестиција во спортот и младите.
Со средства од околу еден милион евра, се гради модерен базен – втор по ред на територијата на општина Чаир. Новиот објект ќе им овозможи на младите, како и на целата локална заедница, пристап до современи услови за учење пливање, спортски натпревари и развој на пливачките вештини.
-Ова е „Вреди“. Ова е визијата на Изет Меџити, кој го трансформира Чаир со големи проекти.
Базенот со должина од 25 метри, ширина од 8,80 метри и длабочина погодна за учење и тренинг ќе создаде нови можности за развој на спортот и младите таленти. Таму ќе се обучуваат нови тренери и спасувачи, додека ќе се организираат натпревари и спортски активности што го креваат спортот на друго ниво. Овој објект поставува нов стандард, бидејќи означува изградба на инфраструктура што произведува дисциплина, здравје и успех. Со „Вреди“, Чаир продолжува со работа, развој и проекти што оставаат белег кај младите луѓе и во целото општество, велат од партијата.
Додаваат дека станува збор за модерни услови кои ќе им овозможат на учениците да учат, се натпреваруваат и да се развиваат во спортот.