Македонската јавноста сеуште тагува по Владо Јаневски кој по кратко боледување почина на 65. годишна возраст на 28 јуни, а зад себе остави бројни хитови.
Пред Арената Борис Трајковски се собраа многу пријатели, колеги, роднини и фанови, кои со ѕвездено небо, пеејќи ги стиховите на Владо, му кажаа последно збогум, а меѓу нив и неговиот внук, Дејан Стојановиќ.
Тој за „Претрес” на Кристијан Ландов кажа каков бил неговиот вујко.
– Сè се случи многу брзо и за нас како фамилија не беше целосен шок, но беше навистина ненадејно. Мислевме дека станува збор за обична болка, но подоцна се покажа дека е нешто посериозно. Никогаш не го доживував како пејач. Кога ќе ми кажеше некој дека мојот вујко напишал песна, за мене тој беше едноставно вујко. Го гледав на сосема поинаков начин.Тој уживаше во својот начин на живот. Беше повлечен, живееше без многу стрес и се држеше настрана од сè што можеше да го оптовари. Можеби токму затоа се дистанцираше од семејството и околината, за да живее посмирено, изјавил Дејан додавајќи дека секогаш имал време за фамилијата.
Дејан неколку години му бил менаџер на Јаневски и заедно оделе по концерти.
-Еве ќе споделам искрено, последниот ден јас добив повици од 50 различни девојки за Владо, што на индиректен начин некако бил поврзан со нив, па ми ги враќаа филмовите, од каде ме знаат од порано. Владо си живееше на свој начин убаво. Среќен го правеше добра музика, секогаш сме сакале да слушаме „Dire Straits“, сакаше добро јадење и добро изработен тренинг. Секогаш изгледаше прекрасно за годините. Неговиот ден се сведуваше на пишување текст, здрава исхрана, протеинска, дали ќе отиде во хотел или на друго место каде што ќе јаде здраво, да извежба убаво, тоа го правеше среќен.Најголемата негова радост беше кога ќе одевме по концерти, да види деца. И секогаш викаше, штом има деца од 15-20 години, тие ќе ме слушаат до крај на живот. И тоа го радуваше најмногу, вели тој.
Македонската музичка легенда беше погребана на градските гробишта во Бутел.
Македонската музичка сцена изгуби едно од своите најголеми и најпрепознатливи имиња. Познатиот музичар и пејач кој себе остави богата музичка кариера со безброј хитови кои ја одбележаа македонската поп-музика во изминатите неколку децении.
Тој важеше за еден од најдобрите кантавтори и вокалисти на овие простори, чии рефрени се пеат од многу генерации.