ВМРО-ДПМНЕ: Судијата Пајазити остави простор Рамадани да избега, не постапувал согласно закон и веднаш треба да се разреши

Судијата Пајазит Пајазити остави простор Блерим Рамадани да избега или наместо ефективен притвор, тој му определи куќен притвор, оценуваат од ВМРО-ДПМНЕ.

„Судијата Пајазит Пајазити го осуди условно Иџет Мемети, наместо со казна затвор, кој призна дека земал поткуп за да влијае за поблага казна за Боро Марлборо.

Судијата Пајазити треба да одговара бидејќи направи огромни грешки и во случајот со Рамадани и со Мемети.

Јасно е дека Пајазити не постапува по закон. Оттука јасно е дека Пајазити не смее да биде судија, а надлежните институции треба да го разрешат“, бараат од оваа партија.

Доколку, како што велат, не се санкционира Пајазити, довербата во правосудството дополнително ќе се намалува.

Денес, како што најавуваат од ВМРО-ДПМНЕ, јавноста ќе биде информирана со нови сознанија за случајот Пајазити.