СДС повторно шири невистинити и обиди за манипулација со лозарите, велат од ВМРО-ДПМНЕ.
„СДС сега глуми загриженост, а токму тие во нивното владеење не понудија ниту еден оддржлив модел за откуп на грозје.
Граѓаните знаат дека токму во времето на СДС и нивните ниски откупни цени, останаа насобрани милиони килограми винско грозје.
За разлика од празните зборови и манипулациите на СДС, резултатите на терен говорат доволно јасно.
Од СДС треба да се запознаени дека одредбата од Законот за вино, која дозволува кратење од 8% од цената на грозјето од страна на винариите, е донесена токму во нивно време.
За разлика од нив и нивните „ефикасни мерки“ за земјоделците, посветеноста и работата на Владата предводена од ВМРО-ДПМНЕ и МЗШВ овозможи оваа година оспособување на системите за наводнување кои ги остави СДС во катастрофална состојба, а бенефитите од ова оспособување ги гледаме во зголемениот придонес на винско грозје.
Едно е јасно, а тоа е дека откупот на грозјето се одвива континуирано и организирано, со над 78 милиони килограми винско грозје откупени заклучно со 16.09.25 година.
Владата и МЗШВ имаат јасна визија и обезбедени механизми за откуп и на преостанатите количини. Се работи со повеќе винарии, а вклучувањето на Вардар винарија е само дел од дополнителниот капацитет кој ќе обезбеди лозарите да немаат загуби.
Исплатата на лозарите е гарантирана со државна поддршка и нема да се дозволи ниту еден килограм грозје да остане неисплатен.
Денес лозарите гледаат иднина со Владата предводена од ВМРО-ДПМНЕ, со усогласена откупна цена, со сигурен откуп и навремена исплата“, стои во соопштението од ВМРО-ДПМНЕ.