ВМРО-ДПМНЕ: Ниту маската не помага пред короната кога Заев е премиер, а Филипче министер

Зоран Заев и Венко Филипче додека седат во своите фотељи, едниот во премиерската, другиот во министерската и тоа онаа во министерството за здравство помош нема за никој во државава, посебно не во вакво време кога короната кризата зема замав, велат во реакција од ВМРО-ДПМНЕ.

Од партијата нагласуваат дека Заев и Филипче никако не можат да видат, или не можат да сфатат или пак можеби не сакаат, што се случува, па од ВМРО-ДПМНЕ потенцираат дека во Македонија се случува дебакал!

„Наместо совети Заев по девет месеци од корона кризата треба да презема дејствија.

Заев требаше да почне да делува уште на почетокот на корона кризата. Заев доцни девет месец и од доцнењето резултатот е видлив.

Ги прашуваме делуваше ли полицијата и надлежните воопшто на настаните, како журки за кои има видеа во јавноста.

Што воопшто прават Заев, Филипче и нивната екипа која е надлежна за несоодветно постапување.

Крајно време е пиар-от да го заменат со конкретни мерки или да заминат!“ стои во реакцијата.