По одлуката да му се одземе лиценцата на финансискиот субјект „Креди Јес“ и затворањето на неговите 40 филијали поради законски прекршувања, ВЛЕН ги охрабрува државните институции решително да ја продолжат борбата против финансиските злоупотреби и појавите што им штетат на граѓаните, велат од ВЛЕН.
„ВЛЕН вети дека ќе биде во првите редови на борбата против појавите што му штетат на општеството, како што се коцкањето, злоупотребувачките брзи кредити и другите форми на финансиска експлоатација на граѓаните.
Денес се докажува дека ова ветување не било само политичко ветување, туку реална заложба за заштита на јавниот интерес.
Институциите треба да бидат во служба на граѓаните, а не на групи кои профитираат од економските тешкотии на луѓето.
Последната акција на Министерството за финансии покажува дека државата конечно презема конкретни мерки против практиките кои со години им нанесуваат штета на граѓаните, особено на семејствата со ниски приходи, вовлекувајќи ги во циклус на долгови, финансиска несигурност и економска зависност.
Затоа, ВЛЕН ќе продолжи да ја поддржува секоја реформа и секоја законска мерка што гарантира транспарентност, заштита на потрошувачите и финансиска сигурност за граѓаните“, стои во соопштението од ВЛЕН.