Специјалниот пратеник на САД за Блискиот Исток, Стивен Виткоф, упати сериозно предупредување до меѓународната заедница во врска со нуклеарните амбиции на Иран и моменталната воена криза. Според него, светот не смее да ја повтори истата грешка што ја направи со Пјонгјанг, дозволувајќи му на Техеран да стане нуклеарна закана со која нема враќање.
„Времето за дипломатски игри истекува“
Говорејќи за американската стратегија, Виткоф нагласи дека сегашната администрација нема намера да гледа отстрана додека Иран ја дестабилизира глобалната безбедност и ги загрозува енергетските патишта.
„Не смееме да имаме уште една нова Северна Кореја на Блискиот Исток. Тоа е црвената линија која не смее да се премине,“ дециден е Виткоф.
Иран под лупа на Вашингтон
Виткоф ја истакна неопходноста од „максимален притисок“, објаснувајќи дека секој мировен план (вклучувајќи го и актуелниот од 15 точки) мора да содржи строги гаранции дека Иран никогаш нема да развие нуклеарно оружје. Тој посочи дека споредбата со Северна Кореја не е случајна – станува збор за режим кој користи уцени за да ги постигне своите цели.
Порака до сојузниците и противниците
Оваа изјава доаѓа во момент кога тензиите во Ормускиот теснец се на врвот, а цените на нафтата вртоглаво растат. Виткоф испрати јасен сигнал и до сојузниците во Г7 дека американската позиција е непопустлива кога станува збор за егзистенцијалните закани во регионот.