На социјалните мрежи денеска се појави видео на кое, како што може да се забележи, снимателот покажа како на шест автомобили кои стојат паркирани на една улица, им се избушени гумите.
Иако точната локација не е наведена, според она што може да се види, веројатно станува збор за улица во скопско Ѓорче Петров.
Во коментарите под објавата, дел од оние кои го искоментираа ова, оценија дека станува збор најверојатно за автомобили кои биле паркирани, каде што не смееле да бидат и дека нешто попречувале – нешто што многумина го оценија ваквиот чин како „нормална постапка“.
Други пак, напишаа дека кој и да го сторил тоа, доколку бил изреволтиран од тоа каде и како се паркирани возилата, можел едноставно да повика пајак-служба, наместо да им причини материјална штета.