(ВИДЕО) Словенија и Истра под вода: Властите им наредија на граѓаните да си седат дома
Силни дождови предизвикаа хаос во Словенија и Истра. Патиштата се поплавени, при што неколку патни правци се целосно блокирани, особено во регионот Копар, каде што сообраќајот е значително отежнат, пренесува хрватскиот портал Данас, повикувајќи се на словенечкиот 24 часа.
Граѓаните се предупредуваат да не патуваат без потреба, бидејќи водата ги претвори патиштата во реки. Општините воведоа привремени мерки, како бесплатно паркирање во одредени гаражи, за да се ублажи ситуацијата.
Поплавите продолжуваат да создаваат големи проблеми, а временските услови се очекува да останат нестабилни.
Невремето во Словенија предизвика големи штети, при што повеќе населени места се соочуваат со поплавени домови и нарушени основни инфраструктурни објекти. Спасувачките екипи се на терен, но обемот на водата ги отежнува интервенциите.
Во Истра, ситуацијата не е многу подобра. Сообраќајот е закочен, а граѓаните се соочуваат со прекини на струјата и водоснабдувањето, што дополнително ја влошува кризата предизвикана од временските непогоди.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
