Среде катастрофалните последици од серијата силни земјотреси во Венецуела, се случи неверојатна сцена која го обиколи светот. Жена се породи под урнатините на срушена зграда, а драматичниот момент беше снимен од присутните.
На видеото се гледа како повредената жена лежи на импровизирана подлога, додека друга жена ѝ помага при породувањето. Само неколку моменти подоцна се слуша плачот на новороденчето, по што бебето е завиткано во ќебе, а луѓето околу нив се обидуваат да ѝ помогнат и на мајката.
Трагедијата во Венецуела следуваше по два силни земјотреси што ја погодија земјата во интервал од само 39 секунди. Првиот потрес бил со јачина од 7,2 степени, а вториот достигнал 7,5 степени според Рихтеровата скала.
Според официјалните информации, стотици објекти се урнати, илјадници луѓе останале без домови, а бројот на жртви продолжува да расте. Властите досега потврдија стотици загинати и илјадници повредени, додека десетици илјади лица сè уште се водат како исчезнати.
💔A woman in Venezuela gave birth in the ruins after an earthquake, without electricity or medical assistance
— NEXTA (@nexta_tv) June 26, 2026
The delivery took place in a destroyed building. There were no doctors, no power, and no equipment nearby.
Volunteers helped and delivered the baby using flashlight… pic.twitter.com/BZQuE4ieIF
И покрај големата трагедија, раѓањето на бебето под урнатините за многумина стана симбол на надеж и живот во моменти кога земјата се соочува со една од најтешките природни катастрофи во својата понова историја.