ВИДЕО: Се судрија два приватни авиони во Мексико - петмина загинати, меѓу кои и дете
Во судар на два приватни патнички авиони во северната мексиканска држава Дуранго загинаа пет лица, меѓу кои и едно дете, соопштија државните власти.
Несреќата се случила на мала земјена писта во градот Ла Галансита, во западниот дел на Дуранго, во понеделникот наутро, јавува indiatvnews.
Како што соопшти Државниот секретаријат за безбедност, двата авиони биле лесни авиони „цесна“ и се судриле додека едниот полетувал, а другиот слетувал, што довело до пожар во двата авиони.
„Во несреќата загинаа сите пет патници“, соопшти државната агенција.
Во тек е истрага за утврдување на причините за несреќата.
in the city of Durango, Mexico; Two small planes collided 5 people lost their lives. pic.twitter.com/s6sq2WGI3t
— X News Explorer (@XNewsExplorer) September 26, 2023
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
