ВИДЕО: Полицијата пронајде закопано оружје од 2001 година во Блаце
Полицијата во атар на селото Блаце пронајде оружје кое датира од воениот конфликт во 2001-та година.
-Вчера по претходно добиени информации дека во атар на с.Блаце, во близина на границата со Косово има закопано разновидно оружје и муниција кои потекнуваат од 2001 година, полициски службеници од Одделот за криминалистичка полиција, Одделот за сузбивање на организиран и сериозен криминал и СВР Скопје пронашле две зољи, еден РПГ7, три гранати за РПГ7, нишанска справа, две барутни полнења за РПГ7, девет парчиња муниција 7,62x54 R и два реденика кои биле закопани во земја, појаснуваат од полицијата.
Се преземаат мерки за расчистување на случајот.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа