Вчера во 08:35 часот на наплатна станица Градско, полициски службеници од ОВР Кавадарци во содејство со Единицата за недозволена трговија со оружје, опасни материи и радиоактивен материјал при Одделот за криминалистичка полиција, ги лишија од слобода Н.Р.(41) и И.Р.(41), двајцата од Скопје.
При контрола во товарно возило „пежо боксер“ со струшки регистарски ознаки, кое го управувал Н.Р., а сопатник бил И.Р.-полициски службеник во Полициската станица Бит Пазар, била пронајдена и одземена поголема количина пиротехнички средства за кои не поседувале никаква документација, а за кои изјавиле дека припаѓаат на правно лице од Скопје.Подоцна, при преземање на дополнителни мерки и активности, пред магацинот на правното лице пронајдено е уште едно товарно возило натоварено со пиротехнички средства, кое било оставено и напуштено.
Додека, пак, денеска со судска наредба извршен е претрес во магацините на правното лице, при што се пронајдени и одземени над 25 тони пиротехнички средства.
Единицата за недозволена трговија со оружје, опасни материи и радиоактивен материјал во координација со ОВР Кавадарци ќе ги преземаат сите мерки и активности за утврдување на сите инволвирани лица и по комплетирање на документацијата ќе биде поднесена соодветна пријава по член 396 став 7 од Кривичниот законик.
Актуелно
- Спречена трагедија во Велес: Пожар проголта две возила и бандера, пожарникарите спречија да изгорат куќите
- Започна судењето за свирепото убиство во Штип: „Грофот“ тврди дека не се сеќава како ја убил својата мајка
- Разбојништво среде Скопје: Со остар предмет му се заканиле на дете и го земале велосипедот
- Утре ќе нема струја до 14:30 – ЕВН најави исклучувања во неколку општини
- Крај за политичките влијанија при изборот на обвинители – Владата го усвои новиот закон за обвинителство
- УЈП со важно известување до граѓаните: Електронските услуги ќе бидат во прекин
- Запрен сообраќајот во тунелот под Ла Манш – илјадници патници заглавени на станиците
- Трамп: САД извршија прв копнен напад врз Венецуела
