(ВИДЕО) Хаос во српскиот парламент: Тепачка меѓу власта и опозицијата

Во српскиот парламент дошло до физичка пресметка откако опозиционерите прво кренале транспаренти по усвојувањето на дневниот ред, а потоа се обиделе физички да го спречат почетокот на расправата кога пристигнале владините членови.

Претставниците на владејачкото мнозинство на Вучиќ застанале во еден вид жив ѕид околу говорницата, при што имало жестока гужва, пишуваат тамошните медиуми.

Пратениците од опозицијата им извикуваа „Убијци, убијци“, мислејќи на катастрофата во Нови Сад, каде што 15 лица загинаа при падот на настрешницата на реконструираната станица, што доведе до серија протести во Србија, пренесуваат медиумите во регионот.

Претседателката на Собранието Ана Брнабиќ го повика обезбедувањето да влезе во салата, кое се обиде да ги смири пратениците.

Брнабиќ потоа ги повика пратениците да се вратат во своите клупи.

Според написите тие набргу се вратиле, но дискусијата не продолжи, пратениците од опозицијата продолжија да стојат и да извикуваат „убијци, убијци“.

SNS.Sramota Srbijeje razvila transparent da oni grade a žuti kradu. O Sunce ti kalajisano..........!
Je li ovo prerijsko goveče što se tiče u Skupštini. pic.twitter.com/QKObClnvhN

— Darko@Darko0209 (@darko02091) November 25, 2024