ВИДЕО: Го донела мртвиот „вујко“ во инвалидска количка во банка за да земе кредит

Инцидент од Бразил во кој 42-годишна жена во инвалидска количка донела мртвиот „вујко“ во банка во Рио де Жанеиро за да ги потпише документите за кредит – стана вирален.

„Вујко Пауло, слушаш? Мора да потпишеш. Ако не потпишеш… не можам да потпишам за тебе“, рече таа. Сепак, 68-годишниот маж што таа го донела во инвалидската количка не реагирал. Жената се претставила како негова внука и старател, иако полицијата се уште не утврдила дали и како се поврзани, пишува Вашингтон пост.

Му турнала пенкало меѓу прстите на починатиот, а кога вработените во банката забележале дека е блед, им рекла дека „таков е“. Конечно повикале брза помош, која констатирала дека човекот бил мртов со часови.

„Секој што го гледа видеото може да види дека човекот е мртов“, изјави Фабио Соуза, главен полициски истражител, за телевизиската мрежа Globonews. „Таа го допираше, а знаеше дека е мртов“.

Полицијата ги истражува причините за смртта на мажот, а жената е обвинета за кражба. Мажот наводно бил хоспитализиран порано поради пневмонија, но во понеделникот жив ја напуштил болницата.

#INSÓLITO. Érika Vieira llevó cadáver de su tío a un banco Río de Janeiro, Brasil, para intentar retirar un préstamo de 17 mil reales. Los empleados sospecharon, grabaron el momento y llamaron a la Policía quienes descubrieron que el hombre de 68 años había muerto hacía horas. pic.twitter.com/2UfcZl9tBW

— Colombia Oscura (@ColombiaOscura) April 17, 2024