Градоначалникот на Град Скопје, Орце Ѓорѓиевски, објави видео на своите официјални профили на социјалните мрежи, во кое јасно се гледа дека Скопското Кале е целосно исчистено и уредено.
Во видеото е прикажана актуелната состојба на овој значаен културно-историски локалитет, кој денес е чист, уреден и достоен за граѓаните и посетителите на главниот град. Преку својата изјава, градоначалникот Ѓорѓиевски истакнува дека грижата за културното наследство и јавните простори останува еден од приоритетите на Град Скопје.
Тој нагласува дека Скопското Кале, како симбол и гордост на градот, заслужува континуирано внимание, одржување и заштита, со цел да се зачува неговата историска вредност и да се обезбеди пријатна и безбедна средина за сите посетители.
Град Скопје и во иднина ќе продолжи со активности насочени кон унапредување, одржување и промоција на културно-историските знаменитости во главниот град.