Потпретседателот на САД, J. D. Vance, изјави дека сè уште е неизвесно дали американскиот претседател Donald Trump ќе даде конечна согласност за евентуален договор со Иран.
„Мислам дека напредуваме. Клучното прашање е дали напредуваме доволно за да ја исполниме црвената линија на претседателот“, изјави Венс пред новинарите во Белата куќа.
Тој потенцираше дека ставот на Трамп останува непроменет кога станува збор за иранската нуклеарна програма.
„Црвената линија е многу едноставна. Тој мора да се осигура дека воспоставивме механизми со кои Иран никогаш нема да поседува нуклеарно оружје“, нагласи Венс.
Изјавата доаѓа во време кога Вашингтон и Техеран продолжуваат со дипломатските разговори, а американскиот претседател претходно оцени дека последниот предлог од Иран е „неприфатлив“.
Според американските медиуми, администрацијата на Трамп разгледува повеќе опции во однос на идните чекори во преговорите со Техеран.